ಸೂರ್ಯಕುಮಾರ್​​​​ ಒನ್​​ ಡೇ ಸ್ಥಾನಕ್ಕೆ ಬಂತು ಕುತ್ತು.. ಕಮ್​ಬ್ಯಾಕ್​​ ಮಾಡದೆ ಹೋದ್ರೆ ಕಷ್ಟ..!

 ಸೂರ್ಯಕುಮಾರ್​​​​ ಒನ್​​ ಡೇ ಸ್ಥಾನಕ್ಕೆ ಬಂತು ಕುತ್ತು.. ಕಮ್​ಬ್ಯಾಕ್​​ ಮಾಡದೆ ಹೋದ್ರೆ ಕಷ್ಟ..!

SKY

ಸ್ಕೈ ಹ್ಯಾಸ್​ ನೋ ಲಿಮಿಟ್​​ ಟೀಂ ​ಇಂಡಿಯಾ ಕ್ರಿಕೆಟಿಗ ಸೂರ್ಯ ಕುಮಾರ್​​​ ಬಗ್ಗೆ ಹೀಗೊಂದು ಮಾತು ಚಾಲ್ತಿಯಲ್ಲಿದೆ. ಆದ್ರೆ, ಸ್ಕೈಗೆ ಲಿಮಿಟ್​​ ಇದೆ. ತಂಡದಲ್ಲಿ ಸ್ಥಾನವನ್ನ ಫಿಕ್ಸ್​​ ಮಾಡಿಕೊಂಡಿರುವ ಸೂರ್ಯನ ಬಗ್ಗೆ ಹೀಗೆ ಯಾಕ್​ ಹೇಳ್ತಿದ್ದಾರೆ ಅಂತಿದ್ದೀರಾ..? ಈ ಸ್ಪೋರಿ ನೋಡಿ ನಿಮಗೆ ಉತ್ತರ ಸಿಗುತ್ತೆ.

ಸೂರ್ಯ ಕುಮಾರ್​​ ಯಾದವ್​​..! ಲೇಟ್​​ ಆಗಿಯಾದ್ರೂ ಲೇಟೆಸ್ಟ್​ ಆಗಿ ಟೀಮ್​ ಇಂಡಿಯಾಗೆ ಎಂಟ್ರಿ ಕೊಟ್ಟ ಸೂಪರ್​ ಸ್ಟಾರ್​​ ಬ್ಯಾಟರ್​​.! 2010ರಿಂದ ದೇಶಿ ಟೂರ್ನಿಗಳಲ್ಲಿ ಹಾಗೂ ಐಪಿಎಲ್​​​ನಲ್ಲಿ ರನ್​​ ಗುಡ್ಡೆ ಹಾಕಿದ್ರೂ, ಸೂರ್ಯನ ಪಾಲಿಗೆ ಟೀಮ್​ ಇಂಡಿಯಾ ಬಾಗಿಲೇ ತೆರೆದಿರಲಿಲ್ಲ. ಐಪಿಎಲ್​​ನಲ್ಲಿ ಅಬ್ಬರಿಸಿದ್ರೂ ಆಯ್ಕೆ ಸಮಿತಿ ಗಮನಕ್ಕೆ ಸೂರ್ಯ ಬಂದಿರಲಿಲ್ಲ.

ಟೀಮ್​ ಇಂಡಿಯಾದಿಂದ ಅವಕಾಶ ವಂಚಿತನಾಗಿಯೇ ಉಳಿದಿದ್ದ, ಸೂರ್ಯನಿಗೆ ಕೊನೆಗೂ ಚಾನ್ಸ್​ ಒಲಿದಿದ್ದು 30ನೇ ವಯಸ್ಸಿನಲ್ಲಿ.. ಲೇಟ್​​​ ಆಗಿ ಟೀಮ್​ ಇಂಡಿಯಾ ಡೋರ್​​​ ಓಪನ್​ ಆದ್ರೂ ಸೂರ್ಯನ ಎಂಟ್ರಿ ಮಾತ್ರ ಲೇಟೆಸ್ಟ್​ ಆಗಿತ್ತು. ತನ್ನದೇ ಆದ ಸ್ಟೈಲ್​ನಲ್ಲಿ ಬ್ಯಾಟ್​ ಬೀಸಿದ ಸ್ಕೈ, ಆಡಿದ ಕೆಲವೇ ಪಂದ್ಯಗಳಲ್ಲೀ ಟೀಮ್​ ಇಂಡಿಯಾ ಅವಿಭಾಜ್ಯ ಅಂಗವಾಗಿ ಬಿಟ್ಟಿದ್ದಾರೆ. ಸೂರ್ಯ ಕ್ಲಾಸೀ ಪರ್ಫಾಮೆನ್ಸ್​​ ಹಾಗಿದೆ.

ಟಿ20 ಮಾದರಿಯಲ್ಲಂತೂ ಸೂರ್ಯನ ಅಬ್ಬರಕ್ಕೆ ಬ್ರೇಕ್​ ಹಾಕೋರೆ ಇಲ್ಲ.. ಆಡೋ ಪ್ರತಿ ಇನ್ನಿಂಗ್ಸ್​​ನಲ್ಲೂ ಪ್ರಜ್ವಲಿಸ್ತಾ ಇರೋ ಸೂರ್ಯ, ಟೀಮ್​ ಇಂಡಿಯಾದ ಮ್ಯಾಚ್​​ ವಿನ್ನರ್​ ಆಗಿದ್ದಾರೆ. ಇತ್ತೀಚೆಗೆ ಮುಕ್ತಾಯವಾದ ಇಂಗ್ಲೆಂಡ್​​ ಪ್ರವಾಸದ ಸರಣಿಯಲ್ಲೂ ಸೂರ್ಯನೇ ಗೆಲುವಿನ ರೂವಾರಿಯಾಗಿದ್ದು.., ಹೀಗಾಗಿಯೇ ಟೀಮ್​ ಇಂಡಿಯಾದಲ್ಲಿ ಸೂರ್ಯನಿಗೆ ಸ್ಥಾನ ಫಿಕ್ಸ್​​​ ಅಂತಾ ಎಲ್ಲರೂ ಹೇಳ್ತಿದ್ದಾರೆ. ಆದ್ರೆ, ಏಕದಿನ ಮಾದರಿಯಲ್ಲಿ ಸೂರ್ಯನ ಸ್ಥಾನಕ್ಕೆ ಸೈಲೆಂಟ್​​ ಆಗಿಯೇ ಕುತ್ತು ಬಂದಿದೆ.

ಏಕದಿನ ಮಾದರಿಯಲ್ಲಿ ಸೂರ್ಯನ ಸ್ಥಾನಕ್ಕೆ ಬಂದಿದೆ ಕುತ್ತು.!

ಸೂರ್ಯ ಕುಮಾರ್​​ ಯಾದವ್​ ಟೀಮ್​​ ಇಂಡಿಯಾದ ಅವಿಭಾಜ್ಯ ಅಂಗ ಅನ್ನೋವಾಗ್ಲೇ ಹೀಗೊಂದು ಚರ್ಚೆಯಾಗ್ತಿದೆ. ಇದಕ್ಕೆ ಕಾರಣ ಏಕದಿನದಲ್ಲಿ ಸೂರ್ಯ ಕುಮಾರ್​ ನೀಡಿರುವ ಪ್ರದರ್ಶನ. ಈವರೆಗೆ 12 ಏಕದಿನ ಪಂದ್ಯವನ್ನಾಡಿರೋ ಸೂರ್ಯ ಗಳಿಸಿರೋದು ಕೇವಲ 332 ರನ್​​., ಇದರಲ್ಲಿ ಎರಡೇ ಎರಡು ಬಾರಿ ಮಾತ್ರ ಅರ್ಧಶತಕದ ಗಡಿದಾಟ್ಟಿದ್ದಾರಷ್ಟೇ.. ಕಳೆದ 5 ಇನ್ನಿಂಗ್ಸ್​​ಗಳಿದಂಲಂತೂ ಪ್ಲಾಫ್​ ಶೋ..!

ಕಳೆದ 5 ಏಕದಿನ ಇನ್ನಿಂಗ್ಸ್​​ಗಳಲ್ಲಿ ಸೂರ್ಯ

ಕಳೆದ 5 ಏಕದಿನ ಇನ್ನಿಂಗ್ಸ್​​ಗಳಲ್ಲಿ ಸೂರ್ಯ ಕುಮಾರ್​​​ ಗಳಿಸಿರೋದು ಕೇವಲ 71 ರನ್​. ಇದರಲ್ಲಿ 27 ರನ್​ ಗರಿಷ್ಟ ಸ್ಕೋರ್​ ಆಗಿದ್ರೆ, ರನ್​ಗಳಿಕೆಯ ಸರಾಸರಿ ಕೇವಲ 14.20 ಮಾತ್ರ.

T20 ಮಾದರಿಗೆ ಮಾತ್ರ ಸೂರ್ಯ ಕುಮಾರ್​​ ಸೀಮಿತಾನಾ.?

ಯೆಸ್​​..! ಟಿ20 ಮಾದರಿಯಲ್ಲಿ ಅಬ್ಬರಿಸ್ತಾ ಇರೋ ಸೂರ್ಯ, ಏಕದಿನ ಮಾದರಿಯಲ್ಲಿ ಪರದಾಟ ನಡೆಸ್ತಿರೋದು ಯಾಕೆ ಅನ್ನೋ ಪ್ರಶ್ನೆ ನಿಮ್ಮಲ್ಲೂ ಕಾಣದೇ ಇರಲ್ಲ. ಇದಕ್ಕೆ ಉತ್ತರ ಹುಡುಕಿದಾಗ ಹುಟ್ಟೋದು ಲಾಂಗೆಸ್ಟ್​​ ಫಾರ್ಮೆಟ್​​ ಆಡುವಷ್ಟು ಪೇಶನ್ಸ್​​, ಟೆಂಪರ್​​ಮೆಂಟ್​​​ ಸೂರ್ಯನಿಗಿಲ್ವಾ ಅನ್ನೋ ಅನುಮಾನ..!

ರಾಹುಲ್​ – ಪಂತ್​ ಕಮ್​​ಬ್ಯಾಕ್​ ಮಾಡಿದ್ರೆ ಸೂರ್ಯಗೆ ಬೆಂಚ್​ ಫಿಕ್ಸ್.!

ಸದ್ಯ ವಿಂಡೀಸ್​​ ಪ್ರವಾಸದಲ್ಲಿರೋ ಸೂರ್ಯನಿಗೆ ಅವಕಾಶ ಸಿಗ್ತಿರೋದು ಖಾಯಂ ಆಟಗಾರರ ಅಲಭ್ಯತೆಯಿಂದಾಗಿ ಮಾತ್ರ. ಇನ್​​ಫ್ಯಾಕ್ಟ್​​ ಸೂರ್ಯ ಕುಮಾರ್​​ ಏಕದಿನ ಮಾದರಿಗೆ ಡೆಬ್ಯೂ ಮಾಡಿದ್ದು ಕೂಡ ಬಿಗ್​ಸ್ಟಾರ್​ಗಳ ಅಲಭ್ಯತೆಯಲ್ಲಿ ಶ್ರೀಲಂಕಾ ವಿರುದ್ಧ. ಆ ಬಳಿಕ ಸೌತ್​ ಆಫ್ರಿಕಾ, ವೆಸ್ಟ್​ ಇಂಡೀಸ್​​ ಹಾಗೂ ಇಂಗ್ಲೆಂಡ್​​ ವಿರುದ್ಧ ಆಡಿದ್ದು ಕೂಡ ಹಲವರಿಗೆ ವಿಶ್ರಾಂತಿ ನೀಡಿದ ಕಾರಣಕ್ಕೆ.., ಒಂದು ವೇಳೆ ಮುಂದಿನ ಸರಣಿಗಳಲ್ಲಿ ಕೆಎಲ್​ ರಾಹುಲ್​, ರಿಷಭ್​ ಪಂತ್, ವಿರಾಟ್​​ ಕೊಹ್ಲಿ​ ತಂಡಕ್ಕೆ ಮರಳಿದ್ರೆ, ಸೂರ್ಯನ ಸ್ಥಾನಕ್ಕೆ ಕುತ್ತು ಬರೋ ಸಾಧ್ಯತೆಯಿದೆ.

ತಂಡಕ್ಕೆ ಸ್ಟಾರ್​​​ಗಳ ಕಮ್​ಬ್ಯಾಕ್​ ಬಳಿಕವೂ ಸೂರ್ಯನಿಗೆ ಸ್ಥಾನ ನೀಡಬೇಕಂದ್ರೆ, ಶ್ರೇಯಸ್​​ ಅಯ್ಯರ್​ರನ್ನ ಡ್ರಾಪ್​ ಮಾಡಬೇಕಾಗುತ್ತೆ. ವಿಂಡೀಸ್​​​ ವಿರುದ್ಧ ಅಬ್ಬರಿಸಿ ಭರ್ಜರಿ ಫಾರ್ಮ್​ಗೆ ಮರಳಿರೋ ಶ್ರೇಯಸ್​​​​ ಅಯ್ಯರ್​​​​ಗೆ ಕೊಕ್​ ನೀಡೋದು ಕಷ್ಟ ಸಾಧ್ಯ.! ಹೀಗಾಗಿ ಸೂರ್ಯನ ಸ್ಥಾನದ ಸುತ್ತ ಗ್ರಹಣ ಕವಿದಿದೆ.

ವಿಂಡೀಸ್​​​ ವಿರುದ್ಧದ ಕೊನೆಯ ಪಂದ್ಯದಲ್ಲಿ ಅಬ್ಬರಿಸಿದ್ರೆ ಮಾತ್ರ ಸೇಫ್​​.!

ಸೂರ್ಯ ಕುಮಾರ್​​ ಯಾದವ್​ ಸ್ಥಾನಕ್ಕೆ ಕುತ್ತು ಬಂದಿದೆ ನಿಜ. ಹಾಗಂತ ಸಂಪೂರ್ಣ ಅವಕಾಶ ಕೈ ತಪ್ಪಿಲ್ಲ. ವಿಂಡೀಸ್​​ ವಿರುದ್ಧದ ಕೊನೆಯ ಏಕದಿನದಲ್ಲಿ ಸೂರ್ಯಗೆ ಕಣಕ್ಕಿಳಿಯೋ ಚಾನ್ಸ್​ ಇದ್ದೇ ಇದೆ. ಇಲ್ಲಿ ಪರ್ಫಾಮ್​​ ಮಾಡಿದ್ರೆ, ಸೂರ್ಯ ಕುಮಾರ್​​ ಸ್ಥಾನ ಭದ್ರವಾಗಲಿದೆ. ಇಲ್ಲಿದಿದ್ರೆ, ಏಕದಿನ ವಿಶ್ವಕಪ್​ ಆಡೋ ಕನಸು ಕೂಡ ಅನಿಶ್ಚಿತತೆಗೆ ಸಿಲುಕಲಿದೆ.