ಟೀಂ ಇಂಡಿಯಾ ಪರ ಆಡುವಾಗ ಪದೇ ಪದೇ ರೆಸ್ಟ್​-IPL ಆಡಲು ಮಾತ್ರ ಫಿಟ್​​ ಆ್ಯಂಡ್​​ ಫೈನ್​​..

 ಟೀಂ ಇಂಡಿಯಾ ಪರ ಆಡುವಾಗ ಪದೇ ಪದೇ ರೆಸ್ಟ್​-IPL ಆಡಲು ಮಾತ್ರ ಫಿಟ್​​ ಆ್ಯಂಡ್​​ ಫೈನ್​​..

ಕಳೆದೆರೆಡು ವರ್ಷಗಳಲ್ಲಿ ಟೀಮ್ ಇಂಡಿಯಾದ ಹಲವು ಆಟಗಾರರು, ಇಂಜುರಿ, ರೆಸ್ಟ್ ಕಾರಣದಿಂದ ಹಲವು ಪಂದ್ಯಗಳನ್ನ ಮಿಸ್​ ಮಾಡಿಕೊಂಡಿದ್ದಾರೆ. ಹಾಗಾದ್ರೆ, ಯಾರ್ ಯಾರು ಎಷ್ಟೆಷ್ಟು ಪಂದ್ಯಗಳನ್ನ ಮಿಸ್​ ಮಾಡಿಕೊಂಡಿದ್ದಾರೆ ಗೊತ್ತಾ..?

ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್, ವಿರಾಟ್ ಕೊಹ್ಲಿ ಸೇರಿದಂತೆ ತಂಡದ ಕೆಲ ಪ್ರಮುಖ ಆಟಗಾರರಿಗೆ ಪದೇ ಪದೇ ರೆಸ್ಟ್ ನೀಡಲಾಗ್ತಿದೆ. ಅದ್ರಲ್ಲೂ ವೆಸ್ಟ್​ ಇಂಡೀಸ್​​​ ಟೂರ್​ಗೆ ಸೀನಿಯರ್​ ಆಟಗಾರರಿಗೆ ರೆಸ್ಟ್​ ನೀಡಿರೋದು ಭಾರತೀಯ ಕ್ರಿಕೆಟ್​ನಲ್ಲಿ ಹಾಟ್ ಟಾಪಿಕ್ ಆಗಿ ಮಾರ್ಪಟ್ಟಿದೆ. ಏಕದಿನ ಸರಣಿಯಿಂದ ಕ್ಯಾಪ್ಟನ್​ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಹೊರುಗುಳಿದಿದ್ದು, ಶಿಖರ್​ ಧವನ್, ತಂಡವನ್ನ ಲೀಡ್ ಮಾಡಲಿದ್ದಾರೆ. ಇನ್ನು ಟಿ20 ಸರಣಿಗೆ ರೋಹಿತ್ ಶರ್ಮಾ, ತಂಡಕ್ಕೆ ಕಮ್​ಬ್ಯಾಕ್ ಮಾಡಿದ್ರೆ, ವಿರಾಟ್​ ಕೊಹ್ಲಿ ಈ ಸರಣಿಯಿಂದಲೂ ಹೊರಗುಳಿಯಲಿದ್ದಾರೆ.

ಇಂಜುರಿ, ರೆಸ್ಟ್​ನಿಂದಾಗಿ ಹಲವು ಪಂದ್ಯಗಳು ಮಿಸ್..!

ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಕೆ.ಎಲ್ ರಾಹುಲ್, ಈ ಮೂವರು ಟೀಮ್ ಇಂಡಿಯಾದ ಬ್ಯಾಟಿಂಗ್​ ಪಿಲ್ಲರ್ಸ್​. ಈ ತ್ರಿಮೂರ್ತಿಗಳು ತಂಡದಲ್ಲಿದ್ರೆ, ತಂಡದ ಸ್ಟ್ರೆಂಥ್​ ಡಬಲ್ ಆಗುತ್ತೆ. ಆದ್ರೆ, ಈ ಸ್ಟಾರ್​ ಪ್ಲೇಯರ್ಸ್, ಇಂಜುರಿ, ರೆಸ್ಟ್​ ಕಾರಣದಿಂದಾಗಿ ಕಳೆದೆರೆಡು ವರ್ಷಗಳಿಂದ ಹಲವು ಪಂದ್ಯಗಳನ್ನ ಮಿಸ್​ ಮಾಡಿಕೊಂಡಿದ್ದಾರೆ.

ಆದ್ರೆ, ಮಿಲಿಯನ್ ಡಾಲರ್ ಟೂರ್ನಿ IPL​ನಲ್ಲಿ ಮಾತ್ರ, ಒಂದೇ ಒಂದು ಪಂದ್ಯವನ್ನ ಈ ಸೀನಿಯರ್ ಪ್ಲೇಯರ್ಸ್, ​​ಮಿಸ್ ಮಾಡಿಕೊಂಡಿಲ್ಲ. ಇದರಿಂದ ಹಲವು ಮಾಜಿ ಆಟಗಾರರು, ದೇಶಕ್ಕಾಗಿ ಆಡೋವಾಗ ಇಂಜುರಿಗೊಳಗಾಗೋ, ರೆಸ್ಟ್ ಬೇಕೋ ಅನ್ನೋ ಆಟಗಾರರು, IPL​ನಲ್ಲಿ ಹೇಗೆ ಎಲ್ಲವನ್ನೂ ಮ್ಯಾನೇಜ್ ಮಾಡ್ತಾರೆ ಅಂತ ಪ್ರಶ್ನಿಸ್ತಿದ್ದಾರೆ.

• ರೋಹಿತ್ ಮಿಸ್​ ಆದ ಪಂದ್ಯಗಳು :

ಕ್ಯಾಪ್ಟನ್ ರೋಹಿತ್ ಶರ್ಮಾ, ಕಳೆದೆರೆಡು ವರ್ಷಗಳಲ್ಲಿ ಟೀಮ್ ಇಂಡಿಯಾ ಪರ ಆಡಿದ ಮ್ಯಾಚ್​​ಗಳಿಗಿಂತ, ಮಿಸ್​ ಮಾಡಿಕೊಂಡ ಪಂದ್ಯಗಳ ಸಂಖ್ಯೆಯೇ ಹೆಚ್ಚು. ಈ ಅವಧಿಯಲ್ಲಿ ರೋಹಿತ್, 10 ಟೆಸ್ಟ್​, 12 ಒನ್​ಡೇ, 9 ಟಿ20 ಪಂದ್ಯಗಳಲ್ಲಿ ಕಣಕ್ಕಿಳಿದಿಲ್ಲ.

• ಕೊಹ್ಲಿ ಮಿಸ್​ ಆದ ಪಂದ್ಯಗಳು :

ಇನ್ನು ವಿರಾಟ್ ಕೊಹ್ಲಿ 2020ರಿಂದ ಇಲ್ಲಿವರೆಗೆ ಒಟ್ಟು 28 ಪಂದ್ಯಗಳಲ್ಲಿ ಆಡಿಲ್ಲ. ಇದ್ರಲ್ಲಿ 5 ಟೆಸ್ಟ್, 10 ಒನ್​ಡೇ, 13 ಟಿ20​ ಪಂದ್ಯಗಳು ಸೇರಿವೆ.

ಈ ವರ್ಷ ಆಸ್ಟ್ರೇಲಿಯಾದಲ್ಲಿ ಟಿ20 ವಿಶ್ವಕಪ್ ಟೂರ್ನಿ ನಡೆಯಲಿದೆ. ಆದ್ರೆ, ಇದೇ ವರ್ಷ ಕೊಹ್ಲಿ ಈವರೆಗೂ ಒಟ್ಟು 3 ಟಿ20 ಸರಣಿಗಳಿಂದ ರೆಸ್ಟ್​ ಪಡೆದಿದ್ದಾರೆ. ಕಳೆದ ವರ್ಷ ತವರಿನಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿ, ಇನ್ನು ಇದೇ ವರ್ಷ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಟಿ20 ಸರಣಿ, ಈಗ ವೆಸ್ಟ್ ಇಂಡೀಸ್ ವಿರುದ್ಧ ಟಿ20 ಸಿರೀಸ್​ನಿಂದಲೂ ಕೊಹ್ಲಿಗೆ ರೆಸ್ಟ್ ನೀಡಲಾಗಿದೆ.

• ರಾಹುಲ್ ಮಿಸ್​ ಆದ ಪಂದ್ಯಗಳು :

ಕ್ಲಾಸ್ ಬ್ಯಾಟ್ಸ್​​​ಮನ್, ಕನ್ನಡಿಗ ಕೆ.ಎಲ್ ರಾಹುಲ್ ಕಳೆದ ಎರಡು ವರ್ಷಗಳಲ್ಲಿ 5 ಬಾರಿ ಇಂಜುರಿಗೊಳಗಾಗಿದ್ದಾರೆ. ಆ ಮೂಲಕ ಒಟ್ಟು 15 ಟೆಸ್ಟ್, 6 ಏಕದಿನ ಹಾಗೂ 13 ಟಿ20 ಪಂದ್ಯಗಳನ್ನ ರಾಹುಲ್ ಮಿಸ್ ಮಾಡಿಕೊಂಡಿದ್ದಾರೆ.

• ಬೂಮ್ರಾ ಮಿಸ್​ ಆದ ಪಂದ್ಯಗಳು :

ಇನ್ನು ಟೀಮ್ ಇಂಡಿಯಾ ಟ್ರಂಪ್ ಕಾರ್ಡ್​ ಬೌಲರ್​ ಜಸ್​ಪ್ರಿತ್​​​​ ಬುಮ್ರಾ, 2020ರಿದ ಇಲ್ಲಿವರೆಗೆ ಒಟ್ಟು 5 ಟೆಸ್ಟ್, 6 ಏಕದಿನ ಹಾಗೂ 18 ಟಿ20 ಪಂದ್ಯಗಳನ್ನ ಮಿಸ್​ ಮಾಡಿಕೊಂಡಿದ್ದಾರೆ.

• ಜಡೇಜಾ ಮಿಸ್​ ಆದ ಪಂದ್ಯಗಳು :

ಹಾಗೇ ಆಲ್​ರೌಂಡರ್ ರವೀಂದ್ರ ಜಡೇಜಾ, ಕಳೆದೆರೆಡು ವರ್ಷಗಳಲ್ಲಿ ಇಂಜುರಿ ಕಾರಣಕ್ಕೆ, 11 ಟೆಸ್ಟ್, 9 ಏಕದಿನ ಹಾಗೂ 21 ಟಿ20 ಪಂದ್ಯಗಳಿಂದ ದೂರ ಉಳಿದಿದ್ರು.

• ಪಂತ್ ಮಿಸ್​ ಆದ ಪಂದ್ಯಗಳು :

ವಿಕೆಟ್​ ಕೀಪರ್ ಬ್ಯಾಟ್ಸ್​​ಮನ್ ರಿಷಭ್​​ ಪಂತ್ ಕೂಡ, ಪಂದ್ಯಗಳನ್ನ ಮಿಸ್​ ಮಾಡಿಕೊಳ್ಳೋದ್ರಲ್ಲಿ ಹಿಂದೆ ಬಿದ್ದಿಲ್ಲ. 2020ರ ಫೆಬ್ರವರಿಯಿಂದ ಈವರೆಗೂ ಪಂತ್, 2 ಟೆಸ್ಟ್​​, 7 ಏಕದಿನ, 15 ಟಿ20 ಪಂದ್ಯಗಳನ್ನ ಪಂತ್ ಆಡಿಲ್ಲ.

ಒಟ್ಟಿನಲ್ಲಿ.. ಟಿ20 ವಿಶ್ವಕಪ್​ಗೆ ಮೂರು ಮೂರೇ ತಿಂಗಳು ಮಾತ್ರ ಬಾಕಿ ಇರೋವಾಗ, ಪ್ರಮುಖ ಆಟಗಾರರಿಗೆ ರೆಸ್ಟ್​ ನೀಡಿದ್ದು ಎಷ್ಟು ಸರಿ ಅನ್ನೋ ಪ್ರಶ್ನೆಗೆ, ಆಯ್ಕೆ ಸಮಿತಿಯೇ ಉತ್ತರಿಸಬೇಕಿದೆ.