Asia Cup;ಕಮ್ಬ್ಯಾಕ್ಗೆ ಕಿಂಗ್ ಕೊಹ್ಲಿ ರೆಡಿ-ಫಿಕ್ಸ್ ಆಯ್ತು ಬ್ಯಾಟಿಂಗ್ ಸ್ಲಾಟ್.. ಬದಲಾಗುತ್ತಾ ವಿರಾಟ್ ಲಕ್?
ಏಷ್ಯಾಕಪ್ ಶೆಡ್ಯೂಲ್ ಪ್ರಕಟವಾಗೋದ್ರೊಂದಿಗೆ ವಿರಾಟ್ ಕೊಹ್ಲಿ ಕಮ್ಬ್ಯಾಕ್ಗೂ ವೇದಿಕೆ ಸಜ್ಜಾಗಿದೆ. ಆದ್ರೆ, ಕೊಹ್ಲಿ ಬ್ಯಾಟಿಂಗ್ ಪೊಸಿಶನ್ ಯಾವ್ದು ಅನ್ನೋ ಪ್ರಶ್ನೆ ಹುಟ್ಟಿದೆ. ಫೇವರಿಟ್ ಸ್ಲಾಟ್ ನಂಬರ್ 3 ಆಗಿದ್ರೂ, ಏಷ್ಯಾಕಪ್ನಲ್ಲಿ ವಿರಾಟ್ ಬೇರೆಯದ್ದೇ ಕ್ರಮಾಂಕದಲ್ಲಿ ಆಡ್ತಾರೆ.
ಬಹುನಿರೀಕ್ಷಿತ ಏಷ್ಯಾಕಪ್ ಶೆಡ್ಯೂಲ್ ಅನೌನ್ಸ್ ಆಗಿದೆ. ಮಹತ್ವದ ಟೂರ್ನಿಯ ಎರಡನೇ ಫೈಟ್ನಲ್ಲೇ ಇಂಡೋ - ಪಾಕ್ ಮುಖಾಮುಖಿಯಾಗ್ತಿರೋದಂತೂ, ಅಭಿಮಾನಿಗಳ ನಿರೀಕ್ಷೆಯನ್ನ ಇನ್ನಷ್ಟು ಹೆಚ್ಚಿಸಿದೆ. ಭಾರತ, ಪಾಕಿಸ್ತಾನ ಮಾತ್ರವಲ್ಲ.. ಇಡೀ ವಿಶ್ವ ಕ್ರಿಕೆಟ್ ಲೋಕವೇ ಈ ಒಂದು ಪಂದ್ಯವನ್ನ ಕಣ್ತುಂಬಿಕೊಳ್ಳಲು ಕಾದು ಕುಳಿತಿದೆ. ಇದಕ್ಕೆ ಇಂಡೋ-ಪಾಕ್ ಹೈವೋಲ್ಟೆಜ್ ಟಚ್ ಇರೋದು ಮಾತ್ರವಲ್ಲ.., ವಿರಾಟ್ ಕೊಹ್ಲಿಯ ಕಮ್ಬ್ಯಾಕ್ ಕೂಡ ಒಂದು ಕಾರಣವಾಗಿದೆ.
ವಿರಾಟ್ ಕೊಹ್ಲಿ ಕಮ್ಬ್ಯಾಕ್ಗೆ ವೇದಿಕೆ ಸಿದ್ಧ..
ಕಳದ ಕೆಲ ತಿಂಗಳಿನಿಂದ ಇಡೀ ವಿಶ್ವ ಕ್ರಿಕೆಟ್ ಲೋಕ ವಿರಾಟ್ ಕೊಹ್ಲಿ ಸುತ್ತಲೇ ಗಿರಕಿ ಹೊಡಿತಾಯಿದೆ. ಇದಕ್ಕೆ ಕಳಪೆ ಫಾರ್ಮ್ ಕಾರಣ ಅನ್ನೋದನ್ನ ಬಿಡಿಸಿ ಹೇಳಬೇಕಿಲ್ಲ.. ಈಗ ಈ ಬಗೆಗಿನ ಚರ್ಚೆಗೆ ಬ್ರೇಕ್ ಹಾಕೋಕೆ ಸಮಯ ಬಂದಾಗಿದೆ. ಇಂಗ್ಲೆಂಡ್ ಪ್ರವಾಸದ ಬಳಿಕ ರಿಲ್ಯಾಕ್ಸ್ ಮೂಡ್ಗೆ ಜಾರಿದ್ದ ಕೊಹ್ಲಿ, ವೆಕೆಷನ್ ಮುಗಿಸಿ ವಾಪಾಸ್ಸಾಗಿದ್ದು, ಏಷ್ಯಾಕಪ್ನಲ್ಲಿ ಕಣಕ್ಕಿಳಿಯೋಕೆ ಸಜ್ಜಾಗಿದ್ದಾರೆ. ಎಷ್ಯಾಕಪ್ನಲ್ಲಿ ವಿರಾಟ ದರ್ಶನ ಫಿಕ್ಸ್ ಅಂತಾ ಈಗಾಗಲೇ ಅಭಿಮಾನಿಗಳು ಕೂಡ ಫಿಕ್ಸ್ ಆಗಿದ್ದಾರೆ. ಆದ್ರೆ, ಕೊಹ್ಲಿಯ ಕಮ್ಬ್ಯಾಕ್ಗೂ ಮುನ್ನ ಸ್ಲಾಟ್ನ ಸಮಸ್ಯೆ ಎದುರಾಗಿದೆ.
ಯಾವ ಸ್ಲಾಟ್ನಲ್ಲಿ ಬ್ಯಾಟ್ ಬಿಸ್ತಾರೆ ಕಿಂಗ್ ಕೊಹ್ಲಿ..?
ವಿರಾಟ್ ಕೊಹ್ಲಿ ಕಮ್ಬ್ಯಾಕ್ಗೂ ಮುನ್ನ ಹುಟ್ಟಿರುವ ಮೇಜರ್ ಪ್ರಶ್ನೆ ಇದಾಗಿದೆ. ವಿಶ್ವಕಪ್ ಟೂರ್ನಿಯಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳಬೇಕಂದ್ರೆ, ಕೊಹ್ಲಿ ಏಷ್ಯಾಕಪ್ ಟೂರ್ನಿಯಲ್ಲಿ ಫಾರ್ಮ್ ಕಂಡುಕೊಳ್ಳೋದು ಅನಿವಾರ್ಯವಾಗಿದೆ. ಆದ್ರೆ, ಟೀಮ್ ಮ್ಯಾನೇಜ್ಮೆಂಟ್ ಮುಂದೆ ಪ್ಲೇಯಿಂಗ್ ಇಲೆವೆನ್ ಸೆಟ್ ಮಾಡಿಕೊಳ್ಳೋ ಅನಿವಾರ್ಯತೆಯಲ್ಲಿದೆ. ಅದರಲ್ಲೂ ಆರಂಭಿಕರು ಯಾರು.? ಅನ್ನೋ ಪ್ರಶ್ನೆಗೆ ಉತ್ತರ ಸಿಗದೇ ದಿಕ್ಕೆಟ್ಟಿದೆ.
ಏಷ್ಯಾಕಪ್ ಟೂರ್ನಿಯಲ್ಲಿ ವಿರಾಟ್ ಕೊಹ್ಲಿ ಓಪನರ್..?
ಫಿಟ್ನೆಸ್ ಸಮಸ್ಯೆ ಎದುರಿಸ್ತಾ ಇರೋ ಕೆಎಲ್ ರಾಹುಲ್ ಏಷ್ಯಾಕಪ್ ಆಡೋದು ಬಹುತೇಕ ಡೌಟ್ ಆಗಿದೆ. ಹೀಗಾಗಿ ಮತ್ತೆ ಟೀಮ್ ಇಂಡಿಯಾ ಪರ ಇನ್ನಿಂಗ್ಸ್ ಆರಂಭಿಸೋದು ಯಾರು ಅನ್ನೋ ಪ್ರಶ್ನೆ ಹುಟ್ಟಿದೆ. ಈಗಾಗಲೇ ಇಂಗ್ಲೆಂಡ್ ಹಾಗೂ ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿ ಪ್ರಯೋಗ ಮಾಡಿದ್ದೇಲ್ಲಾ ಫೇಲ್ ಆಗಿದೆ. ಹೀಗಾಗಿ ಏಷ್ಯಾಕಪ್ನಲ್ಲಿ ರೋಹಿತ್ ಶರ್ಮಾ ಜೊತೆ ವಿರಾಟ್ ಕೊಹ್ಲಿ ಇನ್ನಿಂಗ್ಸ್ ಆರಂಭಿಸೋ ಸಾಧ್ಯತೆ ದಟ್ಟವಾಗಿದೆ. ಮಾಜಿ ಕ್ರಿಕೆಟಿಗ ಪಾರ್ಥಿವ್ ಪಟೇಲ್ ಕೂಡ ಇದೇ ಅಭಿಪ್ರಾಯವನ್ನ ವ್ಯಕ್ತಪಡಿಸಿದ್ದಾರೆ.
'ಕೊಹ್ಲಿ ಇನ್ನಿಂಗ್ಸ್ ಆರಂಭಿಸಬಹುದು'
'ನಾನು ಯಾವಾಗಲೂ ತಂಡ ಕಾಂಬಿನೇಶನ್ ಬಗ್ಗೆ ಮಾತನಾಡುತ್ತೇನೆ. ಯಾಕಂದ್ರೆ ಅದೇ ಕೀ. ನೀವು ಏಷ್ಯಾಕಪ್ನಲ್ಲಿ ವಿರಾಟ್ ಕೊಹ್ಲಿ ಇನ್ನಿಂಗ್ಸ್ ಆರಂಭಿಸೋದನ್ನ ನೋಡಬಹುದು. ಕೆಎಲ್ ರಾಹುಲ್ ಸದ್ಯ ಅನ್ಫಿಟ್ ಆಗಿದ್ದಾರೆ. ಉಳಿದ ಆಟಗಾರರನ್ನ ಆರಂಭಿಕ ಸ್ಥಾನಕ್ಕೆ ಪ್ರಯೋಗಿಸಿ ಆಗಿದೆ. ಇಶಾನ್ ಕಿಶನ್, ರಿಷಭ್ ಪಂತ್, ಸೂರ್ಯ ಕುಮಾರ್ ಯಾರೂ ಇಂಪ್ಯಾಕ್ಟ್ ಮಾಡಿಲ್ಲ'
ಪಾರ್ಥಿವ್ ಪಟೇಲ್, ಮಾಜಿ ಕ್ರಿಕೆಟಿಗ
ಆರಂಭಿಕನಾಗಿ ವಿರಾಟ್ ಕೊಹ್ಲಿ ಜಬರ್ದಸ್ತ್ ಪ್ರದರ್ಶನ..!
ವೈಟ್ಬಾಲ್ ಫಾರ್ಮೆಟ್ನಲ್ಲಿ ಕೊಹ್ಲಿಯ ಫೇವರಿಟ್ ಸ್ಲಾಟ್ ನಂಬರ್ 3. ಆದ್ರೆ, ಇದರ ಜೊತೆಗೆ ಟಿ20 ಮಾದರಿಯಲ್ಲಿ ಓಪನರ್ ಆಗಿಯೋ ಕೊಹ್ಲಿ ಮಿಂಚಿದ್ದಾರೆ. ಆಡಿದ ಕೆಲ ಪಂದ್ಯಗಳಲ್ಲೇ ಜಬರ್ದಸ್ತ್ ಪ್ರದರ್ಶನವನ್ನ ವಿರಾಟ್ ನೀಡಿದ್ದಾರೆ.
- ಪಂದ್ಯ 8
- ರನ್ 278
- ಸರಾಸರಿ 39.71
- ಸ್ಟ್ರೈಕ್ರೇಟ್ 148.66
ಟೀಮ್ ಇಂಡಿಯಾ ಪರ ಮಾತ್ರವಲ್ಲ.. ಐಪಿಎಲ್ನಲ್ಲೂ ಕೊಹ್ಲಿ ಆರಂಭಿಕನಾಗಿ ಪಾರಮ್ಯ ಮೆರೆದಿದ್ದಾರೆ. ಓಪನರ್ ಆಗಿ ಕಣಕ್ಕಿಳಿದು ಬರೋಬ್ಬರಿ 5 ಶತಕವನ್ನೂ ಸಿಡಿಸಿದ್ದಾರೆ.
IPLನಲ್ಲಿ ಆರಂಭಿಕನಾಗಿ ಕೊಹ್ಲಿ..
- ಪಂದ್ಯ 84
- ರನ್ 2972
- 50/100 20/05
- ಸ್ಟ್ರೈಕ್ರೇಟ್ 134.54
ಟೀಮ್ ದೃಷ್ಟಿಯಿಂದ ಮಾತ್ರವಲ್ಲ.. ವೈಯಕ್ತಿಕ ಪರ್ಫಾಮೆನ್ಸ್ ದೃಷ್ಟಿಕೋನದಲ್ಲೂ ವಿರಾಟ್ ಕೊಹ್ಲಿ ಓಪನರ್ ಆಗಿ ಕಣಕ್ಕಿಳಿಯೋದು ಬೆಸ್ಟ್. ಇದನ್ನ ಅಂಕಿ-ಅಂಶಗಳೇ ಹೇಳ್ತಿವೆ. ಸದ್ಯ ಆತ್ಮವಿಶ್ವಾಸದ ಕೊರತೆ ಎದುರಿಸ್ತಾ ಇರೋ ವಿರಾಟ್ಗೆ ಆರಂಭಿಕನ ಸ್ಲಾಟ್ ಲಕ್ ಫ್ಯಾಕ್ಟರ್ ಆಗಿ ವರ್ಕ್ ಆದ್ರೂ ಅಚ್ಚರಿ ಪಡಬೇಕಿಲ್ಲ.
Posts
0 Comments